Baraarugtv.com-
Ra’iisul wasaaraha Itoobiya,Abiy Ahmed ayaa loo dhaariyay inuu bilaabo muddo-xileedkiisa labaad, ka dib markii maanta Baarlamaanka Itoobiya mar kale u magacaabay ra’iisul wasaare.
Dib u doorashadiisa waxay timid kadib markii xisbigiisu si weyn ugu guuleystay doorashadii bishii June.
Axmed Shide , oo horey u ahaa wasiirka maaliyadda ayaa noqday guddoomiyaha Baarlamaanka Itoobiya, taasoo ka dhigtay Soomaalida inay hoggaaminayaan awoodda labaad ee Itoobiya,xilli horey Soomaalida u hoggaaminayeen xisbiga talada haya.
Shide, ayaa shir guddoonkiisa koowaad ee Baarlamaanka ku dhawaaqay;
“Abiy Ahmed ayaa loo magacaabay Ra’iisul Wasaaraha Itoobiya.”
Abiy Ahmed ayaa markii ugu horreysay xukunka yimid 2018, waxaana hadda u bilaabatay muddo-xileed cusub oo shan sano ah.
Dawladda Abiy waxay sheegtay inay mudnaanta siinayso horumarinta dhaqaalaha, wada-hadalka gudaha dalka, nabadda iyo xasilloonida.
Hadal uu jeediyay Abiy, isagoo u muuqda inuu uga jawaabayo kullamadii saddex-geesoodka ahaa ee Masar ka dhacay, wuxuu yiri;
“Cadowgii na lahaa Itoobiya, way burburaysa maanta lafa-hooda ayay nooga baqayaan, waxay nooga baqayaan Badda Cas.”
