#Ma Jirto Maanta Wasaarad Caafimad Oo Somaliland Ah ?
Wasiirka Cabdiraxmaan Cirro Caafimaadka u dhiibay ma oga Fayraska Dengue (Qandhada Lafaha?
Waa kan wax kasta oo aad u baahan tahay inaad ka ogaato cudurkan, oo ku qoran Af Soomaali.
Waa maxay Fayraska Dengue?
Waa cudur aad u daran oo uu ku qaado kaneeco gaar ah (kan yar oo badanaa maalintii qaniina).
Qofna qofka kuma qaado: Kuma qaaddid taabasho, dhunsho, ama wadahadal — kaliya kaneecada ayaa gudbisa.
• Waxaa lagu magacaabaa “Qandhada Jabinta Lafaha”, sababtoo ah xanuunkiisa aad ayuu u daran yahay, wuxuuna dareensiiyaa sidii lafahaagu ay kala jabayaan.
Calaamadaha lagu garto
Waxay soo baxaan 4 ilaa 10 maalmood ka dib marka lagaa qaniino:
Qandho aad u sareysa (ilaa 40 darajo)Madax-xanuun aad u daran
Xanuun isha gadaasheeda ah (markaad isha dhaqaajisid aad ayuu uga sii darayaa)
Xanuunka lafaha, murqaha, iyo kala-goysyada
Finan casaan ah oo ka soo baxa jirkaLalabo, matag, iyo daciifnimo aad u daran
Goorma ayay HALIS tahay? (Calaamadaha Dhimashada)Haddii aad aragto kuwan, isbitaal u qaad isla markiiba:Qandhada oo hoos u dhacda, laakiin qofku uu noqdaa mid aad u daciif ah, qabow, oo dhididsanXanuun aad u daran oo caloosha ah iyo matag soo noqnoqdaDhiig-bax: Dhiig oo ka yimaada sanka, ilkaha, ama waxaa lagu matagaa dhiig ama saxaro dhiig leh
Maskaxda oo saameyn ku yeelata: Qofku waalamaa, hadal aan macno lahayn ayuu ku hadlaa, waxyaabo aan jirinna wuu arkaa, wuu dagaalamayaa ama wuu wareersan yahay — tani waxay dhacdaa marka uu fayrasku gaaro maskaxda.Xusuusnow: Ma jirto dawo gaar ah oo lagu dilo fayraska — kaliya daryeelka cusbitaalka ayaa badbaadiya nolosha.
Sida Looga Hortago
Sidaan hore kuugu sheegay, habka kaliya waa: KA HORTAG QANIINYADA KANEECODA
1. Ka saar biyaha is-urursan: Kaneecadu waxay ukumaha dhigtaa biyo kasta oo taagan — weelal, dheriyo, taayiro duug ah, iwm2. Jidhkaaga ilaali: Xiro dhar dheer, isticmaal waxyaabaha kaneecada ka celiya sida Vicks, saliidaha dhirta ah, ama shabaqyada.3. Gurigaaga ilaali: Daaqadaha xir, gudahana ku buufi dawooyinka kaneecada.Hadda Dengue aad ayuu uga sii badan yahay Somaliland abaarta iyo biyo la’aanta awgood, dadkuna meel walba biyo ayay ku kaydsadaan, taasoo kordhisay taranka kaneecada. Ilaali naftaada iyo qoyskaaga.
