Kulan afur iyo isbarasho ah ayay guddoonka Baanka dhexe u sameeyeen Gudidda Dhaqaalaha, Ganacsiga iyo Maaliyadda ee Golaha Wakiillada JSL. Madasha ayaa waxaa lagu wadaagay xog-wareysi kooban kaas ahaa xoojinta iyo wada shaqaynta Baanka dhexe iyo guddida dhaqaalaha ee golaha wakiillada JSL.
Ugu horreyntii, waxaa halkaas hadal kooban oo ah muhiimadda wada shaqayneed ee Baanka iyo guddida ka jeediyay Guddoomiye- ku-xigeenka Baanka Dhexe JSL, Mudane: Xamse C/raxmaan Kheyre. Waxa uu guddoomiyuhu ku dheeraaday sidii ay isku kaashan lahaayeen iyo weliba arrimaha ahmiyadda leh ee ay iska kaashan doonaan maalmaha dhow Insha Allaah.
Dhanka kale, Guddoomiyaha Guddida Maaliyadda, Dhaqaalaha iyo Ganacsiga ee golaha Wakiillada mudane Xuseen Ismaaciil Budul iyo xubnaha kale qaarkood ayaa soo dhaweeyay wada shaqaynta iyo dardar-gelinta xeerarka Baanka Dhexe.
Ugu danbayntii, waxaa kulanka soo xidhay Guddoomiyaha Baanka Dhexe JSL mudane Cabdinaasir Axmed Xirsi oo ku dheeraday ahmiyadda dhaqan-dhaqaale iyo muhiimadda ay dhaqalaha dalka u leeyihiin xeerarka Baanka Dhexe kuwaas oo innaga kaabi doona horumarka arrimaha maalgashiga iyo waxtarka ku dhaqanka xeerarka dalka oo noqda kuwo horumarsan oo soo jiita Baananka maalgashiga iyo weliba World Bank.
