Hargeysa (Baraarugtv.com)-Wasiirka Wasaaradda Gaadiidka iyo Horumarinta Jidadka mudane Cismaan Ibraahim(afgaab) oo ay weheliyaan Agaasimaha Guud ee Wasaaradda,Eng Ahmed Muxumed Cabdi, iyo xubno kamid ah Agaasimayaasha Waaxyaha ee Wakaalada Horumarinta Wadooyinka Somaliland(RDA) ayaa kulan laqaatay Masuuliyiin ka socday Hayadda Nis foundation.Kulankan oo ka qabsoomay Xafiiska Wasiirka Wasaaradda Gaadiidka iyo Horumarinta Jidadka ayaa waxa lagaga wada hadlay bilowga dhismaha Wadada isku xidha Degmooyinka Wadaama-goo iyo Qorulugud.
Wadadan oo deegaamada ay marto ay baahi wayn uqabaan waxwayna ka taridoonta Isku socodka iyo koboca dhaqaalaha ayaa waxa laysla qaatay in la dardar galiyo dhismaheeda.
Dhanka kale Hay’adda Nis Foundation ayaa balanqaaday in wixii xagooda kudhiman ay si dhakhso ah u dhamaystirayaan.
Gabagabadii Wasiirka Wasaaradda Gaadiidka iyo Horumarinta Jidadka mudane Cismaan (afgaab) ayaa masuuliyiinta ka socday Hay’adda Nis foundation u cadeeyay inay ka Wasaarad ahaan ay ka go’antahay bilowga iyo dhamaystirka Wadadani, waxaana Wasiirku iftiimiyay in la dhamaystiro dhamaanaba hawl qabadyada dhiman si dhawaan loo bilaabo Wadadan.
Xafiiska Warbaahinta ee
Wasaaradda Gaadiidka iyo Horumarinta Jidadka Jsl.
